2002 ஆகஸ்ட் 15-ம் தேதி, இங்கிலாந்தோட ஹாம்ப்ஷயர் மாநிலத்துல, ஸ்பார்ஷோல்ட் (Sparsholt) அருகே க்ராப் வூட் ஃபார்ம் பகுதியில ஒரு வித்தியாசமான பயிர் வட்டம் தோன்றுச்சு. இது வெறும் வட்டமோ, வடிவமோ இல்ல , ஒரு வேற்றுகிரகவாசி (alien) முகம், கையில ஒரு CD வச்சிருக்குற மாதிரி 400 அடி நீளமான பிரமாண்ட வடிவம்! இந்த CD ல binary code மூலமா ஒரு செய்தி இருந்ததா சொல்றாங்க.  இது என்ன கதை? வாங்க, நம்ம ஊரு பாஷையில, எளிமையா, சுவாரஸ்யமா பார்ப்போம்!

என்ன நடந்துச்சு?

ஸ்பார்ஷோல்ட் பயிர் வட்டம், ஒரு கோதுமை வயலில் தோன்றுச்சு. இந்த வடிவம், ஒரு வேற்றுகிரகவாசி முகம் மாதிரி இருந்துச்சு, அதோட கையில ஒரு CD , அதுல Binary Code மூலமா ஒரு செய்தி இருந்தது கண்டுபிடிக்கப்பட்டுச்சு. இந்த செய்திய ஆராய்ச்சியாளர்கள் மொழிமாற்றம் செய்தப்போ, இப்படி இருந்தது

“பொய்யான பரிசுகளையும், உடைந்த வாக்குறுதிகளையும் தருபவர்களிடம் எச்சரிக்கையா இருங்க. நிறைய வலி இருக்கு, ஆனா இன்னும் நேரம் இருக்கு. நம்புங்க, வெளிய உலகத்துல நல்லது இருக்கு. நாங்க ஏமாற்றத்துக்கு எதிரா நிக்குறோம். பாதை மூடுது.”

இந்த செய்தி, வேற்றுகிரகவாசிகளோட எச்சரிக்கையா, இல்ல மனுஷங்க உருவாக்குன ஒரு கலை வேலையா? இது இன்னும் மர்மமாவே இருக்கு. இந்த பயிர் வட்டம், 2001-ல சில்போல்டன் ரேடியோ தொலைநோக்கி பக்கத்துல தோன்றுன “அரேசிபோ செய்தி” (Arecibo message ) பயிர் வட்டத்துடன் ஒரு ஒற்றுமைய காட்டுது, இது ஆராய்ச்சியாளர்களுக்கு இன்னும் ஆர்வத்த தூண்டுச்சு. இந்த வடிவம், ஒரே இரவுல, யாரும் பார்க்காம தோன்றுச்சு, இதோட சிக்கலான வடிவமைப்பு, மனுஷங்க இவ்வளவு சீக்கிரம் செய்ய முடியுமானு கேள்வி எழுப்புச்சு.

நம்ம ஊரு பாணியில சொன்னா, “ஒரு நைட்டு வயல்ல யாரோ ஒரு பெரிய வேற்றுகிரக படத்தையும், செய்தியையும் வரைஞ்சு வச்சுட்டு போய்ட்டாங்க!”யாரு செஞ்சது? பயிர் வட்டம் பொதுவா மனுஷங்க உருவாக்குறது தான், இதுக்கு ஆதாரமும் இருக்கு. 1991-ல, டக் பவர், டேவ் சோர்லினு ரெண்டு இங்கிலாந்து நண்பர்கள், 1978-ல இருந்து 200-க்கு மேல பயிர் வட்டத்தை, கயிறு, மரப்பலகை வச்சு உருவாக்குனதாக ஒத்துக்கிட்டாங்க. இவங்க, ஆஸ்திரேலியாவோட 1966 டல்லி “சாஸர் நெஸ்ட்” (saucer nest) கதையால் ஈர்க்கப்பட்டு இத தொடங்கினாங்க.

ஆனா, ஸ்பார்ஷோல்ட் பயிர்வட்டம்  ஒரு சிக்கலான வடிவமைப்பு, Binary code செய்தி, இதெல்லாம் இவ்வளவு எளிமையா மனுஷங்க செஞ்சிருக்க முடியுமானு சிலர் சந்தேகப்படுறாங்க. சிலர், இது வேற்றுகிரகவாசிகளோட செய்தி, பூமியோட மக்களுக்கு ஒரு எச்சரிக்கைனு நம்புறாங்க. 

மக்கள் எதிர்க்குறது ஏன்?

ஹாம்ப்ஷயர் மாதிரி பகுதிகள்ல பயிர் வட்டம் தோன்றும்போது, விவசாயிகள் பெரும்பாலும் கோபப்படுறாங்க. ஏன்னா, இந்த வடிவங்கள் அவங்க பயிர்கள அழிச்சு, பண நஷ்டத்த ஏற்படுத்துது. ஆனா, ஸ்பார்ஷோல்ட் க்ராப் சர்க்கிள், அதோட வித்தியாசமான வடிவமைப்பால, உலகமெங்கும் பயணிகளையும், ஆராய்ச்சியாளர்களையும் ஈர்த்துச்சு. சில விவசாயிகள், இந்த பயிர் வட்டத்துக்கு நுழைவு கட்டணம் வசூலிச்சு, நஷ்டத்த சமாளிச்சாங்க. 2002-ல, இந்த ஸ்பார்ஷோல்ட் வடிவத்த பார்க்க, அமெரிக்காவுல இருந்து கூட மக்கள் வந்தாங்க, இது உள்ளூர் பொருளாதாரத்துக்கு ஒரு ஊக்கமா இருந்துச்சு.ஆனா, எல்லாரும் இத சந்தோஷமா ஏத்துக்கல. சில உள்ளூர் மக்கள், “இது வேற்றுகிரகவாசி வேலை இல்ல, மனுஷங்க உருவாக்குன ஏமாற்று வேலை”னு கோபப்பட்டாங்க. இன்னும் சிலர், இத வேற  ஆன்மீக சக்தினு நம்பி, ஆராய்ச்சி செய்ய வந்தாங்க. இந்த பயிர் வட்டம் , விவசாயிகளுக்கும், பயணிகளுக்கும், ஆராய்ச்சியாளர்களுக்கும் இடையில ஒரு பெரிய விவாதத்த தூண்டுச்சு.

உலக அரசியல் கோணம்

இந்த ஸ்பார்ஷோல்ட் பயிர் வட்டம் செய்தி, “பொய்யான வாக்குறுதிகள், ஏமாற்று”னு பேசுறது, உலக அரசியல் நிலைமைகளுக்கு ஒரு எச்சரிக்கையா பார்க்கப்பட்டுச்சு. 2002-ல, உலகம் 9/11 தாக்குதலுக்கு பிறகு, பயங்கரவாதம், அரசியல் பதற்றங்கள், மற்றும் அணு ஆயுத அச்சுறுத்தல்களோட இருந்துச்சு. இந்த செய்தி, சிலருக்கு, அரசாங்கங்களோட “பொய்யான வாக்குறுதிகள்” பத்தி ஒரு எச்சரிக்கையா தெரிஞ்சுது. ஆனா, இது உண்மையில வேற்றுகிரகவாசி செய்தியா, இல்ல மனுஷங்க உருவாக்குன ஒரு கலை வேலையா, இது இன்னும் தெளிவாகல